गिरिजानन्द साह/जनकपुरधाम/चैत ३ गते । जनकपुरधाम स्थित बाह्रबिघा मैदानमा नेकपा माओवादी केन्द्र र नेकपा एकीकृत समाजवादी पार्टी बीच भएको मैत्रीपूर्ण क्रिकेट खेलमा नेकपा माओवादी केन्द्र विजय भएको छ भने राजदेवी युवा कमिटी र राष्ट्रिय मुक्ति क्रान्ति बीच भएको खेलमा राष्ट्रिय मुक्ति क्रान्ति विजयी भएको छ। 
शनिबार रंङ्गभूमि मैदान बाह्रबिघामा भएको नेकपा माओवादी केन्द्र र नेकपा एकीकृत समाजवादी पार्टी बीच मैत्रीपूर्ण क्रिकेट खेल भएको थियो । जसमा नेकपा माओवादी केन्द्रले टस जितेर पहिला ब्याटिङ रोजेको थियो। नेकपा माओवादी केन्द्रका खेलाडीहरुले ब्याटिङ गर्दै ११.४ ओभरमा अल आउट हुदै ९१ रन बनाएको थियो ।
नेकपा माओवादी केन्द्रको तर्फवाट ब्याटिङ गरेको खेलाडीहरु मध्ये मुदिनले सर्वाधिक २२ रन बनाए भने रजकले २० रन बनाए ।
जवाफमा ब्याटिङ्ग गर्न आएको नेकपा एकीकृत समाजवादी पार्टीको टिमले ८.५ ओभरमा सबै विकेट गुमाउँदै ३३ रन मात्र बनाउन सक्यो र उक्त खेल नेकपा माओवादी केन्द्रले ५८ रनले जित्न सफल भयो। नेकपा एकीकृत समाजवादी पार्टीको तर्फबाट गणेशले ९ रन बनाएको थियो । माओवादी केन्द्र पार्टीको तर्फ बाट बलिङ गरेको मध्ये अविजितले ३ ओभरमा १२ रन खर्चेर ४ विकेट प्रशान्तले २ ओभरमा १० रन खर्चेर ३ विकेट लिए। उक्त खेलमा माओवादी केन्द्रको तर्फबाट अविजित म्यान अफ द म्याच भए ।
त्यस्तै अर्को खेल राजदेवी युवा कमिटी र राष्ट्रिय मुक्ति क्रान्ति बीच मैत्रीपूर्ण क्रिकेट खेल भएको थियो । राजदेवी युवा कमिटीले टस जितेर पहिला ब्याटिङ रोजेको थियो। राजदेवी युवा कमिटीका खेलाडीहरुले ब्याटिङ गर्दै ११.५ ओभरमा अल आउट हुदै ६८ रन बनाएको थियो ।
राजदेवी युवा कमिटीको तर्फवाट ब्याटिङ गरेको खेलाडीहरु मध्ये अन्कितले सर्वाधिक २६ रन बनाएको थियो। राष्ट्रिय मुक्ति क्रान्तिको तर्फ बाट बलिङ गरेको लालुले ४ विकेट लिन सफल भए। 
जवाफमा ब्याटिङ्ग गर्न आएको राष्ट्रिय मुक्ति क्रान्तिको टिमले ७ ओभरमा २ विकेट गुमाउँदै ७४ रन बनाउदै ८ विकेटले खेल जित्न सफल भयो। राष्ट्रिय मुक्ति क्रान्तिको तर्फबाट लालुले ४७ रन बनाएको थियो । राजदेवी युवा कमिटीको तर्फ बाट बलिङ गरेको मध्ये मुकेशले २ विकेट लिएको थियो । उक्त खेलमा राष्ट्रिय मुक्ति क्रान्तिको तर्फबाट खेलेको लालु म्यान अफ द म्याच भए ।
जनकपुर स्पोर्टस क्लव र न्यु भिजन नेपालको आयोजनामा जनकपुरधामको बाह्रबिघा मैदानमा भईरहेको टाटा पेन्टस दोस्रो अन्तर कलेज क्रिकेट च्यम्पियनसिप २०८० प्रतियोगिताको सेमिफाइनल र फाईनल खेलको बीचमा रहेको खाली समयमा मैत्रीपुर्ण खेल खेल्न यस प्रतियोगिताको संयोजक अम्भु प्रसाद साहले विभिन्न संघ संस्थालाई आग्रह गर्दा युवा राजनीतिकर्मीहरु स्व स्फुर्त रुपमा मैत्रीपुर्ण खेल खेलेका थिए ।
टाटा पेन्टस दोस्रो अन्तर कलेज क्रिकेट च्यम्पियनसिप २०८० प्रतियोगिता अन्तर्गत भोलि आइतबार पहिलो समिफाइनल राराब कॉलेज भर्सेज धनुषा साइन्स कॉलेज र दोस्रो सेमिफाइनल मोनास्टिक भर्सेज बि.पी. मेमोरियल कॉलेजको खेल हुनेछ ।
Discussion about this post