सिरहाका विरेन्द्र सदाको श व ल्याउन पुर्व सिडियोद्वारा सहयोग

लहान/वैशाख २२ गते। सिरहाका पुर्व प्रमुख जिल्ला अधिकारी लालवावु कवाडीले सामाजिक अभियान्ता विरेन्द्र सदाको शव ल्याउन नगद १० हजार सहयोग गरेका छन् ।

सामाजिक संजाल फेसवुक लाईक पेज SK Khabar Nepal मा उद्दारका लागि लेखिएको स्टाट्स देखेपछि पत्रकार संजय विश्वकर्मालाई सम्पर्क गरि अधिकारीले नगद रु १० हजार मृत्यकको भतिजो आशिष कुमार सदाको नाममा रहेको ग्लोबल आईएमईको खाता नम्बर ०३६०७०१०२१०२७० मा तत्काल जम्मा गरि आर्थिक सहयोग गरेका हुन् ।

यो संगै उनले विराटनगरका प्रमुख जिल्ला अधिकारी संग शव परिवारलाई बुझाउन पहलका लागि कुराकानी गरेका हुन् । पुर्व सिडियो लालबाबु कवाडीकै पहलमा आज ११ बजे विराटनगरका सिडियो मृत्यकका आफन्तसंग औपचारिक रुपमा कुराकानी गर्ने भएको छ । सिरहा जिल्ला मिर्चैया नगरपालिका वडा नम्बर – ५ बस्ने समाजिक अभियान्ता विरेन्द्र सदायको शव अहिले न्युरो अस्पताल बिराटनगरमा बन्धकमा राखिएको छ ।

लाखौं रकम अस्पतालाई तिरिसकेको भएपनि अझैपनि केहि रकम तिर्न बाँकी रहेको हुँदा अस्पतालले सदाको शव र उहाँको छोरालाई समेत बन्दक बनाईएको छ । करिब ३ लाख रकम तिर्न बाँकी रहेको बुझिएको छ । ब्रेन ह्याम्रेजका कारण उहाँको २०८० वैशाख १९ गते विहान ३ बजे निधन भएको थियो ।

शवलाई तीन दिन देखि अस्पताल मै बन्दक बनाईएको छ । सामाजिक संजालको माध्यमले उद्धारको लागि चौतर्फी पहल / प्रयासहरु भैरहेको छ । उनि विभिन्न सामाजिक संघ संस्थामा काम गर्दै आईरहेका थिए । हाल उहाँ नेपाल राष्ट्रिय मुसहर संघको केन्द्रिय सदस्य हुन् ।