असोज २१ गते। सशस्त्र प्रहरी बलका एक जना सहायक प्रहरी निरीक्षक (असई) भारतमा मृ त फेला परेका छन् ।
सप्तरीको छिन्नमस्तास्थित बोर्डर आउट पोष्टमा कार्यरत असई सत्यनारायण यादव भारतको बिहार राज्य अन्तर्गत मधुवनी जिल्लाको जिरोगा पुनर्वासस्थित घोडदह खोलामा बिहीबार मृ त भेटिएका हुन् । उनी सिरहाको भगवानपुर २ का बासिन्दा हुन् ।
सशस्त्र प्रहरी बल गण नम्बर ६ हेडक्वार्टर राजविराजमा दरबन्दी भएका यादव १८ असोजदेखि २१ गतेसम्मका लागि विदामा रहेको गणका प्रमुख एसपी प्रदीप खड्काले जानकारी दिए । उनी दशगजा क्षेत्रदेखि तीन किलोमिटर दक्षिण मृ त भेटिए ।
उनका अनुसार भारतीय प्रशासनले आवश्यक प्रक्रियापछि श व नेपाली सुरक्षाकर्मीको जिम्मा लगाएको छ। श व पोस्टमार्टमका लागि राजविराजस्थित गजेन्द्रनारायण सिंह अस्पतालमा ल्याइएको छ ।
‘सशस्त्र प्रहरीबाटै पाएको प्रारम्भिक जानकारीअनुसार शरीरमा लुगा नभएको अवस्थामा शव फेला परेको हो । टाउकोमा चोट रहेको बताइए पनि पोस्टमार्टमबाटै मात्रै अन्य कुरा खुल्ने देखिन्छ र हामी भोलिबाट थप अनुसन्धान थाल्छौँ,’ सिंहले भने।
सशस्त्र प्रहरी बल गण नम्बर ६ हेडक्वार्टर राजविराजका गणपति सशस्त्र प्रहरी उपरीक्षक प्रदीप खड्काले तत्कालै केही भन्न सकिने अवस्था नरहेको बताए। ‘नेपाल प्रहरीको अनुसन्धानपछि अन्य कुराहरू आउँछ नै,’ उनले भने, ‘तत्कालै केही भन्न सकिने अवस्था छैन ।’
Discussion about this post