श्रावण १ गते । घर परिवारभित्र लघुवित्तको ऋण कसले कसरी तिर्ने भन्ने विषयमा विवाद हुँदा एक जनाको मृ त्यु भएको छ । भने एक जना घाइते छन् । गैडहवा गाउँपालिका–१ पश्चिम बगिया बस्ने ३० वर्षीय महेश भरको मृ त्यु भएको प्रहरीले जनाएको छ ।
कु टपिटबाट घाइते भएका भरको भीम अस्पताल भैरहवामा उपचारका क्रममा मृ त्यु भएको जिल्ला प्रहरी कार्यालय रुपन्देहीका डीएसपी नवरतन पौडेलले बताए । उनको टाउकोमा ढुंगाले लागेको ठूलो चोट छ । उनकी पत्नी गीता भने घाइते छन् ।
प्रहरीका अनुसार भर परिवारले २ वर्षअघि सूर्यपुरामा रहेको एक लघुवित्तबाट २० हजार रुपैयाँ ऋण लिएको थियो । उक्त ऋणको साँवाब्याज गरी १ लाख रुपैयाँ पुगेको भन्दै रकम बुझाउन ताकेता गर्न कर्मचारी दिउँसो भर परिवारको घरमा गएका थिए ।
साँझ घरपरिवार जम्मा भएपछि रकम बुझाउनेबारे छलफल भएको थियो । मृ तक भरले उक्त रकम आफ्ना भाइ उमेश भरलाई बुझाउन भनेका थिए । जो ८ वर्षदेखि वैदेशिक रोजगारीमा बसेर एक महिनाअघि फर्केका थिए । तर, उमेशले आफूले विदेशबाट पठाएको रकम बेलामा नबुझाउँदा यति धेरै भएको भन्दै उनले दाजुलाई गाली गर्न थालेका थिए । दाजुले नमानेपछि हात हालाहाल हँुदै कु टपिट सुरु भएको प्रहरीले बताएको छ । उमेशसँगै बाबुआमा र नन्दहरु पनि कुटपिटमा उत्रेको घाइते गीताको दाबी छ ।
प्रहरीले घटना अनुसन्धानका लागि भन्दै मृ तकका बाबु फौदार, आमा चिनिया, भाइ उमेश र बहिनीहरु रश्कला एवं शश्कला भरलाई नियन्त्रणमा लिएको छ । मृ तककी पत्नी गीताले बुधबार दिउँसो बाबु फौदार, आमा चिनिया, भाइ उमेशमाथि किटानी जाहेरी दिएकी छन् । घटनामाथि अनुसन्धान थालिएको डीएसपी पौडेलले बताए ।स्रोत-कान्तिपुर बाट
Discussion about this post