आफ्नै विद्यार्थीमाथि पटक पटक ब ला त्का र, बच्चा जन्मेपछि घटना सार्वजनिक

बैतडी । बैतडीका शिक्षकले आफ्नै छात्रा ब ला त्का र गरेको आरोप लागेको छ। ब ला त्कृत किशोरीको बिहे भएको ६ महिनामै छोरी जन्मिएपछि यो घटना बाहिरिएको हो। ती शिक्षक सिगास गाउँपालिकाका हुन्।

सिगास–८ जनचेतना आधारभूत विद्यालयमा अध्ययनरत कक्षा ८ की १७ वर्षीया छात्रालाई सोही विद्यालयमा पढाउने शिक्षक खडक बोहरा, केशव बोहरा र स्थानीय रामबहादुर बोहरामाथि ब ला त्का र गरेको आरोप लागेको छ।

ब ला त्का र भएको केही महिनापछि ती किशोरीले अन्तै बिहे गरेकी थिइन्। बोहरा अहिले विद्यालय छोडेर गाउँपालिकामा कार्यरत रहेका बुझिएको छ। तीनै जनाले ती किशोरीमाथि पटक पटक ब ला त्का र गर्दा भागेर बिहे गर्न बाध्य बनाएको किशोरीका आफन्तले आरोप लगाएका छन्।

६ महिनामै छोरी जन्मिएपछि किशोरीलाई घरका मानिसले सोधपुछ गर्दा आफूलाई ती व्यक्तिहरुले ब ला त्का र गरेको किशोरीले बताएको ती किशोरीका एक आफन्तले जानकारी दिए। उनले भने, ‘घटना पहिलेको भए पनि गाउँमै मिलाउने भन्दै धेरै प्रयास गरे। अहिले कुरा बाहिर आएको छ, अहिले पनि विभिन्न प्रकारका हतकण्डाहरु भइरहेका छन्।’

यो विषयमा जिल्ला प्रहरी कार्यालयका प्रमुख प्रहरी नायव उपरीक्षक नारायणप्रसाद अधिकारीले पीडित किशोरीलाई जिल्ला सदरमुकाममा ल्याउने तयारी भएको र किशोरीसँगको बयानपछि मात्रै घटनाबारे थाहा हुने बताए। उनले भने, ‘यो कुरा बाहिर आइसकेपछि हामीले यो घटनालाई सूक्ष्म रुपमा अध्ययन गरिरहेका छौं। किशोरीको सुरक्षाका लागि पनि उसलाई हामी जिल्लामा ल्याउने तयारी गरेका छौं। संलग्न भनिएका मान्छेको पनि खोजी गरिरहेका छौं।’

किशोरीलाई ललाई फकाई गरेर क र णी भएको भए पनि कानुन अनुसार कारबाही हुने प्रहरी नायव उपरीक्षक अधिकारीले बताए। मुलुकी अपराध संहिता २०७४ को परिच्छेद १८ मा १८ वर्षभन्दा कम उमेरका महिलालाई ललाई फकाई वा महिलाको मञ्जुरी लिएर क र णी गरेमा समेत कानुनी कारबाही उल्लेख छ।कानुन अनुसार त्यस्तो कार्यमा संलग्न व्यक्तिलाई १६ वर्ष र बढी अठार वर्षभन्दा कम उमेरकी महिलामाथि क र णी गरेमा १० देखि १२ वर्षसम्म कैद सजाय हुने उल्लेख छ। तर ब ला त्का रको आरोप लागेकोहरुलाई भने अहिलेसम्म प्रहरीले नियन्त्रणमा लिएको छैन। आरोप लागेकाहरुलाई हालसम्म पनि सोधपुछसमेत नगरेको बताइएको छ।

थाहा खबरबाट