जनकपुरधाम, फागुन २८ गते।मिथिला मध्यमा परिक्रमालाई मध्यनजर गर्दै धनुषाको विभिन्न स्थानमा मदिरा तथा माछा, मासु विक्री वितरणलाई निषेध गरिएको छ ।
शनिवार देखि सुरु भइरहेको मिथिला मध्यमा परिक्रमालाई मध्यनजर गर्दै विश्राम स्थलको क्षेत्रमा मदिरा तथा माछा–मासु विक्री वितरणलाई निषेध गरिएको धनुषाका सहायक प्रमुख जिल्ला अधिकारी दिपक कर्णले जानकारी दिएका छन् ।
१५ दिने मिथिला परिक्रमाको क्रममा नेपाल र भारतको विभिन्न १५ वटा विश्राम स्थलमध्ये धनुषामा पर्ने विश्राम स्थलहरुमा परिक्रमा पुग्नुभन्दा २४ घण्टा अगावै देखि त्यस क्षेत्रको १ किमि वरिपरिमा पशुपंछी वध तथा माँसमदिरा विक्री वितरणमा रोक लगाइएको सहायक प्रमुख जिल्ला अधिकारी कर्णले जानकारी दिएका छन् ।
शनिवार परिक्रमाको विश्राम स्थल जनकपुरधामको हनुमानगढीमा रहेको छ ।
त्यस्तै चैत ८ गते आइतवार पर्वता, ९ गते सोमबार धनुषाधाम, १० गते मंगलबार सत्तोषर, ११ गते बुधबार औरही, १४ गते शनिवार जनकपुरधाम र १५ गते आइतवार अन्र्तगृही परिक्रमा जनकपुरधाममा रहेकोले यहाँ माँसमदिराको विक्री वितरणमा रोक लगाइएको छ ।
मिथिला मध्यमा परिक्रमालाई मिथिलाको महाकुम्भको रुपमा लिने गरिन्छ ।
परिक्रमामा धनुषा, महोत्तरी र सिमावर्ती भारतको विहारको केही क्षेत्रमा परिक्रमाको विश्राम स्थल हुने गरिन्छ ।
Discussion about this post