महोत्तरी ।सशस्त्र प्रहरीका डिआइजी कृष्णभक्त ब्रम्हाचार्यले धनुषा र महोत्तरीको विभिन्न सीमानाकाहरुको निरीक्षण गर्दै कोरोना संक्रमण रोकथाम तथा नियन्त्रणका लागि विगत ७ महिना देखि सीमामा खटिरहेका सशस्त्र प्रहरी कर्मचारीहरुलाई सशस्त्र प्रहरीका डि.आई.जी. ब्रम्हाचार्यले आवश्यक निर्देशन दिएका छन् ।
बर्दिवास स्थित छिन्नमस्ता बाहिनीमा सम्पन्न प्रदेश नं.२ को धनुषा र महोत्तरी जिल्लामा कोरोना संक्रमण व्यवस्थापन तथा नियन्त्रण विषयक प्रदेश स्तरीय एक दिने कार्यशाला गोष्ठी पछि सीमाको सुरक्षा परिचालन तथा वस्तु स्थितीको बारेमा डि.आई.जी. ब्रम्हाचार्य महोत्तरीका प्रत्येक सीमानाकामा आफै पुगेर अवलोकन गर्दै त्यहाँ खटिएका सशस्त्र प्रहरीलाई आवश्यक निर्देशन दिएका छन् ।
डि.आई.जी. ब्रम्हाचार्यले महोत्तरीको मटिहानी स्थित सशस्त्र प्रहरीको नं. ९ गण र मटिहानी देखि खैरहवनी सम्मका ७ वटा वि.ओ.पि. र आवश्यकता अनुसार राखिएका फर्वाड अव्जरभेसन पोष्टमा पुगि कार्यरत सुरक्षाकर्मीलाई कोरोना संक्रमण समुदाय स्त्तरमा फैलिदै गएकाले थप गम्भिर परिस्थितीको आङ्कलन गर्दै विगतमाझै सीमामा हुने आवत जावतमा कडाई गर्न निर्देशन दिएका हुन ।
लकडाउनमा राज्यले तोकेका सीमानाकाबाट औपचारीक रुपमा नेपाल प्रवेश गरेकाहरुको कन्ट्याक्ट ट्रेसिंगमा ध्यान दिँदै त्यस्ता व्यक्तिहरुको खोजिगरी क्वारेन्टिन तथा आईसोलेशनमा राख्न सरोकारवालालाई सहयोग गर्न आग्रह गरे ।
सुरक्षा निकायहरु एवं छिमेकी मुलुकका समकक्षी सुरक्षाकर्मीहरुसँग निरन्तर सम्पर्क समन्वय र आवश्यक सहकार्य गरी सुरक्षा नागरिक समन्वयात्मक रुपमा कार्य गर्न पनि उनलले निर्देशन दिए ।
महोत्तरीमा ३८.४६ किलोमिटर नेपाल भारत सीमामा सशस्त्र प्रहरीका ६५४ जना जनशक्ति परिचालित छन् । अनाधिकृत आवत जावतलाई रोक्न मुख्य नाकाहरुको अलावा ७ वि।ओ।पि। सहित जिल्लाको सकरी, मधबा र कट्टीमा थप ३ फर्वाड अव्जरभेसन पोष्ट राखिएको छ भने २ वटा स्थापनाको क्रममा छ ।
Discussion about this post