विश्वब्यापी रिलिज भन्दा पहिला नै ‘रामायण’ अस्ट्रेलियामा देखाइने

मुम्बई/भदौ २६ गते। सोनी पिक्चर्स अस्ट्रेलियाका अनुसार बहुप्रतिक्षित चलचित्र ‘रामायण’ अस्ट्रेलियाका सिनेमाघरहरूमा ५ नोम्बर २०२६ मा प्रदर्शन हुने भएको छ।

यो यसको मूल रूपमा तय गरिएको विश्वव्यापी प्रदर्शन मितिभन्दा एक दिन अगाडि हो।

यो प्रारम्भिक प्रदर्शनले रणवीर कपुर, यश र साई पल्लवीको अभिनय रहेको यस चलचित्रलाई ताकाशी यामाजाकीको ‘गोडजिला माइनस जिरो’ भन्दा एक दिनको अग्रता दिलाउनेछ, जुन ६ नोभेम्बरमा प्रदर्शन हुँदैछ। यो एक दिनको अग्रताले बक्स अफिसमा ‘रामायण’ को आम्दानी र पहुँच बढाउन महत्त्वपूर्ण साबित हुनसक्ने अनुमान गरिएको छ। ‘गोडजिला माइनस जिरो’ ओस्कार विजेता चलचित्र ‘गोडजिला माइनस वन’ को सफलतापछिको नयाँ शृङ्खला हो।

नितेश तिवारीद्वारा निर्देशित ‘रामायण: भाग १’ लाई यस वर्षको दिवालीका अवसरमा विश्वभरका सिनेमाघरहरूमा भव्य रूपमा प्रदर्शन गर्ने योजना बनाइएको छ। चलचित्रमा रणवीर कपुरले भगवान् राम, साई पल्लवीले सीता र यशले रावणको भूमिका निर्वाह गरेका छन्। यसका साथै रवि दुबे, रकुल प्रीत सिंह र कुणाल कपुर पनि मुख्य भूमिकामा देखिनेछन्।

दुई भागमा बन्ने यो चलचित्र शृङ्खलाको कुल बजेट करिब ४,००० करोड रुपैयाँ रहेको बताइएको छ। यसलाई आकार तथा निर्माणका हिसाबले भारतकै सबैभन्दा ठूलो चलचित्र परियोजना मानिएको छ। यसको दोस्रो भाग भने सन् २०२७ को दिवालीमा प्रदर्शन गर्ने तालिका तय गरिएको छ।