हैदारावाद/भदौं ४ गते। अल्लू अर्जुन र दीपिका पादुकोणको मुख्य भूमिका तथा एटलीको निर्देशनमा बन्न लागेको आगामी साइ फाइ चलचित्र ‘राका’मा अर्को एउटा नाम पनि थपिएको छ।
यो नयाँ थपिएको नामको हलिउडसँग प्रत्यक्ष सम्बन्ध छ। विभिन्न रिपोर्टहरूका अनुसार हलिउड स्टार विल स्मिथ यस परियोजनामा आबद्ध भएका छन् र उनले अर्को चरणको सुटिङमा आफ्नो भागको छायांकन सुरु गर्ने तयारी गरिरहेका छन्।
प्राप्त जानकारी अनुसार ओस्कार विजेता विल स्मिथसँग यस चलचित्रका सम्बन्धमा सन् २०२५ मा छलफल भएको थियो। एक वर्ष लामो छलफल पछि विल स्मिथ अन्ततः यस चलचित्रको छायाङ्कन सुरु गर्न तयार भएका छन्। प्राप्त जानकारी अनुसार उनीसँग सम्बन्धित छायाङ्कनको तालिका भने विदेशमा हुनेछ।
निर्माण पक्षसँग जोडिएका एक स्रोतले मिड डेलाई बताए अनुसार छायाङ्कन स्थल अझै टुङ्गो लागिसकेको छैन। यो छायाङ्कन सेप्टेम्बर महिना पछि हुने सम्भावना प्रबल छ। यस परियोजनामा काम गरिरहेका एक स्रोतले भने, ‘अहिले विल स्मिथको समय तालिका टुङ्गो लगाउने काम भइरहेको छ।’ विदेशमा छायाङ्कन गरिने स्थानको टुङ्गो उपलब्धताका आधारमा लगाइनेछ। पोसाकहरूको छनोट भइसकेको छ र चलचित्रको आगामी चरणलाई लिएर प्राविधिक टोली निकै उत्साहित छ।
यसैगरी, शाहरुख खान र यस चलचित्रबीचको सहकार्यबारे पनि विभिन्न खबरहरू आएका थिए, जसमा ‘किङ खान’ यो परियोजनामा सहभागी नहुने सङ्केत गरिएको थियो। तर, स्रोतहरूका अनुसार एटलीको निर्देशनमा बनिरहेको यस चलचित्रमा ती सुपरस्टारले छोटो भूमिका अर्थात क्यामियो निर्वाह गर्नेछन्। उनले यो पनि बताए कि शाहरुख खान कुनै न कुनै समयमा अन्तर्राष्ट्रिय छायाङ्कन तालिकामा सामेल हुनेछन्। उनी हाल ‘किङ’को अन्तिम गीतको छायाङ्कन गरिरहेका छन् र सेप्टेम्बर पछि मात्रै एटलीको ‘राका’को छायाङ्कन सुरु गर्नेछन्।
उल्लेखनीय छ कि ‘राका’ एट्लीको बहुप्रतिक्षित चलचित्रहरूमध्ये एक हो। यो एउटा साइ फाइपरियोजना हुने चर्चा र अल्लु अर्जुनको उल्फ अर्थात भेडियाजस्तो देखिने हातको झलकका कारण यसपटक एट्लीले कस्तो चलचित्र ल्याउँदैछन् भन्नेबारे व्यापक अड्कलबाजी भइरहेको छ।
Discussion about this post