पर्सा/असार २२ गते । पर्सामा अबैध गाँजासहित भारतीय नागरिक पक्राउ परेका छन ।
जगरनाथपुर गाउँपालिका–२ स्थित भित्री इनर्वा जाने चोकबाट अवैध लागूऔषध गाँजाजस्तो देखिने पदार्थ १ सय २ किलो ६ सय ३८ ग्राम सहित भारतीय नागरिक पक्राउ परेका हुन ।
भारत बिहार बेतिया नवलपुर बस्ने ३२ वर्षीय गुडु बर्मालाई आइतबार राति प्रहरीले पक्राउ गरेको हो ।
इलाका प्रहरी कार्यालय जानकीटोलबाट खटिएको प्रहरीले सोनवर्षाबाट भारततर्फ जाँदै गरेको बीआर ०१ सियू ३५४४ नम्बरको कारलाई जाँच गर्दा लुकाई छिपाई राखिएको १० वटा पोकामा रहेको उक्त परिमाणको पदार्थ फेला पारी चालक गुडुलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
Discussion about this post