धनुषा/गिरिजानन्द साह/चैत १२ गते। जनकपुरधाममा बिहीबार वडा कप २०८२ क्रिकेट प्रतियोगिता सुरु भएको छ । बाह्रविघा मैदानमा सुरु भएको क्रिकेट प्रतियोगिताको उदघाटन जनकपुरधाम उपमहानगरपालिकाका नगर प्रमुख मनोज साहले गरेका छन् । रंगभुमी मैदान बाह्रबिघामा जनकपुरधाम उपमहानगरपालिकाका नगर प्रमुख मनोज साहले ब्याटिङ र जनकपुरधाम उपमहानगरपालिका वडा न.-१० को वडा अध्यक्ष मिथिलेश कर्णले बलिङ गर्दै वडा कपको उद्घाटन गरेका छन ।
खेलको उद्घाटन सत्रलाई सम्बोधन गर्दै नगर प्रमुख मनोज साहले खेलाडीहरुलाई क्रिकेट खेल जगतमा आफ्नो छबि बनाउन र सफल हुनको लागि कोशिस गर्न सुझाव दिएका छन । उनले मधेश प्रदेश क्रिकेट सहित अन्य खेलहरुमा अगाडी आईरहेको र खेलाडीहरुलाइ आगामी दिनमा अगाडी बढन धेरै सम्भावना रहेको बताएका छ्न । साथै यस्तो आयोजकले प्रतियोगिताहरुको आयोजना गरेर खेलाडिहरुलाई प्रोत्साहन र उर्जावान बनाईरहेको बताएको छन्। अहिलेको युवा पुस्ता खेलमा व्यस्त रहदा लागुऔषध तिर ध्यान नपुग्ने र युवाहरको भोलिको भविश्य उज्वल रहने बताए।
जनकपुरको बाह्रबिघा रंगभूमि मैदानमा सुरु भएको प्रतियोगिता चित्रगुप्त सेवा समिति र जनकपुरधाम उपमहानगरपालिका वडा न.-१० को सहकार्यमा आयोजनामा भईरहेको छ। आजको उद्घाटन कार्यक्रमको अध्यक्षता जनकपुरधाम उपमहानगरपालिका वडा न.-१० का अध्यक्ष मिथिलेश कर्णले गरेका थिए भने कार्यक्रमको प्रमुख अतिथि जनकपुरधाम उपमहानगरपालिकाका नगर प्रमुख मनोज साह,अतिथिमा न्यु भिजन नेपालका अध्यक्ष अम्भु साह,हरी स्पोर्ट्स जोनका हरी शंकर साह लगायत खेलाडीहरु र खेल प्रेमी दर्शकहरुको उपस्थिति रहेका थिए।
आजको उद्घाटन खेलमा जनकपुरधाम उपमहानगरपालिका वडा न. १४ को टिम ४ विकेटले विजय भएको छ । बिहिवार जनकपुरधाम उपमहानगरपालिका वडा न.-५ लाई पराजित गर्दै जनकपुरधाम उपमहानगरपालिका वडा न.-१४ विजयी भएको हो । खेलमा जनकपुरधाम उपमहानगरपालिका वडा न.-५ ले पहिले ब्याटिङ गर्दै १७.२ ओभरमा अल आउट हुदै ८८ रन बनाउदै प्रतिद्वन्द्वी टिमलाई जितको लागि ८९ रनको सामान्री लक्ष्य दिएको थियो । जनकपुरधाम उपमहानगरपालिका वडा न.-५ को टिमका लागि ईमरानले ३३ रन र दिपक दसले १२ रनको योगदान दिएको थियो । जनकपुरधाम उपमहानगरपालिका वडा न.-१४ को तर्फबाट बलिङ गरेका रुपेशले ४ ओभरमा ७ रन खर्चेर ४ विकेट र राजीवले ४ ओभरमा १९ रन खर्चेर २ विकेट लिन सफल भएका थिए । त्यस्तै अमितले १,कृषले १ र दिपकले १ विकेट लिन सफल भएका थिए।
खेलमा जवाफि ब्याटिङका जनकपुरधाम उपमहानगरपालिका वडा न.-१४ का खेलाडीहरुले १२.१ ओभरमा ४ विकेट गुमाउँदै ८९ रन बनाउदै खेल जित्न सफल भयो । जनकपुरधाम उपमहानगरपालिका वडा न.-१४ को खेलाडीहरु मध्ये रुपेश यादवले सर्वाधिक ३७ रन बनाए भने कृष रानाले २० रन बनाए । जनकपुरधाम उपमहानगरपालिका वडा न.-५ को टिमका लागि बलिङ गरेका नुरे ३ ओभरमा २९ रन खर्चेर १ विकेट र दिपक दासले ४ ओभरमा १९ रन खर्चेर १ विकेट लिन सफल भएको थियो ।
यस वडा कपको डाइरेक्टर हरी शंकर साह,एड्मिनिस्ट्रेटर अम्भु प्रसाद साह, डेन्टल पार्टनर र को स्पोनसर गिता आस्पीरेशन प्रा.लि.देवी चोक,मेडिकल पार्टनर ओम फिजियो थेरापी,टाईटल स्पोन्सर युरो पेन्टस,मिडिया कोर्डिनेटर सजिलो पोस्ट,स्पोर्ट्स पार्ट्नर हरीस स्पोर्ट्स जोन,स्पोर्टिङ्ग क्लब श्री राजदेवी युवा कमिटी र न्यु भिजन नेपाल रहेको छ। वडा कपको संयोजक अरविन्दका अनुसार भोलि २ वटा खेल हुनेछ। पहिलो खेल बिहान ८ बजे वडा न. १२ र २४ बीच हुनेछ भने दोस्रो खेल दिउँसो १२:३० बजे वडा न. -८ र वडा न.- २० बीच हुनेछ। प्रतियोगिता नकआउट (Knockout) प्रणालीमा खेलाइदै छ भने खेलमा सेतो लेदर बल (White Leather Ball) बाट भईरहेको छ । खेलका सम्पूर्ण नियमहरू अन्तर्राष्ट्रिय क्रिकेट परिषद् (ICC) का प्रचलित मापदण्डअनुसार रहेको जानकारी संयोजक प्रशान्त अरविन्दले दिएको छ।
Discussion about this post