मंसिर १९ गते। मधेश प्रदेशमा नेपाली कांग्रेस संसदीय दलका नेता कृष्णप्रसाद यादव नयाँ मुख्यमन्त्री नियुक्त भएका छन् ।
प्रदेश प्रमुख डा. सुरेन्द्र लाभले संविधानको धारा १६८(२) अनुसार उनलाई नियुक्त गरेका हुन् । सात दलीय गठबन्धनका ७७ सांसदको समर्थनमा यादव मुख्यमन्त्री बनेका छन् ।
यसअघि धारा १६८(३) अनुसार नेकपा एमालेका सरोज कुमार यादव मुख्यमन्त्री बनेका थिए तर विश्वासको मत नलिएपछि राजीनामा दिए ।
सर्वोच्च अदालतले २४ घण्टाभित्र विश्वासको मत लिन निर्देशन दिएपछि नयाँ सरकार गठनको मार्ग खुलेको थियो ।
Discussion about this post