सभ्य र मर्यादित ढंगले नयाँ साल मनाऔंः एसपी उमाशंकर

संजय यादव,गोलबजार,सिरहा।सिरहा जिल्ला प्रहरी प्रमुख उमाशंकर पंजियारले सभ्य र मर्यादित ढंगले अंग्रेजी नयाँ साल मनाउन सबैमा अनुरोध गरेका छन् । मादक तथा नशालु पदार्थ सेवन गरी होहल्ला तथा समुदायमा कुनै किसिमले बाधा नपर्ने गरी नयाँ साल मनाउन एसपी पंजियारले आग्रह गरेका छन् । प्रहरी प्रमुख एसपी पंजियारले सुरक्षा अवस्था निकै नै कडा पारिएको र ठाँउ ठाँउमा चेकजाँच समेत भईरहेकोले साबधानीपूर्वक अरुलाई असर नपर्नेगरी ट्राफिक नियमलाई समेत पालना गरी पिकनिक तथा उत्सब मनाउन भनेका छन् । 

रक्सी तथा नशालु पदार्थ सेबन गरी होहल्ला तथा शान्ति सुरक्षा खलल् पुर्याउने जोकोहीलाई पनि कानूनको दायरामा ल्याई कार्यबाही अगाडी बढाउने बताए । प्रमुख एसपी पंजियारले चर्को आवाजमा डिजे बाजा समेत नबजाउन भनेका छन् । जिल्लाको बिभिन्न भागमा प्रहरी मोवाईल्स टोली पनि परिचालित भएकोले सभ्य र मर्यादित भएर रमाईलो गरी असल नागरिकको परिचय दिन सबैमा आग्रह गरे ।

अंग्रेजी सालको पहिलो दिन नेपालमा पनि पिकनिक, उत्सब लगायत बिबिध कार्यक्रम गरी नयाँ साल मनाउने गरिन्छ । नयाँ सालको नाँउमा खास गरी युवाहरुको समूहले अत्यधिक जााडरक्सी तथा नशालु पदार्थ सेवन गरी गलत कृयाकलापहरुलाई बढावा दिदै समूदायमा एकता नै भंग हुने खालको कृयाकलापहरु समेत हुदै गरेको पाईन्छ ।