सिरहा/बैशाख २९ गते। पूर्वपश्चिम लोकमार्ग अन्तर्गत सिराहाको मिर्चैया नगरपालिका–५ स्थित थानाचोकमा आइतबार दिउँसो एक ट्याक्टर अनियन्त्रित भई सैलुनमा पसेर ठोक्किँदा चारवटा मोटरसाइकलमा क्षति पुगेको छ।
उदयपुरको बेलसोतबाट डिजेको सामान लोड गरी मिर्चैयाको अरङतर्फ जाँदै गरेको ज.१त ३५२३ नम्बरको ट्याक्टर तीव्र गतिमा सन्चालन हुँदै गर्दा अनियन्त्रित भई थानाचोकदेखि पूर्वतर्फ रहेको पूजा हेयर कटिङ सैलुन अगाडि पार्किङ गरी राखिएका मोटरसाइकलहरूमा ठोक्किएको थियो। त्यसपछि सो ट्याक्टर सैलुनको अगाडिपट्टिको पिल्लरमा ठोक्किँदै दुर्घटनामा परेको हो।
इलाका प्रहरी कार्यालय मिर्चैयाका अनुसार ट्याक्टरको ठक्करबाट स.५प ७३६४, स.७प ४६८, म.प्र.०१–००४ प ४०८७ र स.३प ७३०६ नम्बरका चारवटा मोटरसाइकलमा सामान्य क्षति पुगेको छ। दुर्घटनामा मानवीय क्षति नभएको र थप अनुसन्धान भइरहेको प्रहरीले जनाएको छ।
Discussion about this post