जनकपुरधाम/चैत २९ गते। मधेस प्रदेश सभाका सभामुख रामचन्द्र मण्डलले शिक्षा क्षेत्रलाई प्राथमिकतामा राख्न आग्रह गरेका छन्। डिक्का महासङ्घको दोस्रो महाधिवेशनको उद्घाटन सत्रलाई सम्बोधन गर्दै सभामुख मण्डलले डिक्का समुदायमा आबद्ध जातजातिका अगुवा नेताहरूलाई शिक्षा विस्तारमा विशेष ध्यान दिनुपर्ने आवश्यकता औंल्याएका हुन्।
कार्यक्रममा सभामुख मण्डलले समाजको समग्र विकासका लागि शिक्षा र लिडरसिप क्षमताको अभिवृद्धि अपरिहार्य रहेको उल्लेख गर्दै, समुदायलाई सक्षम बनाउने दिशामा अगाडि बढ्न आग्रह गरे।
डिक्का महासङ्घका अध्यक्ष अनिल सदाको अध्यक्षतामा सम्पन्न उक्त सत्रमा पूर्वमन्त्री शिवकुमार मण्डल, मधेस प्रदेशका पूर्वराज्यमन्त्री सुरेश मण्डल तथा महासङ्घका जिल्ला र केन्द्रीय नेताहरूले पनि आफ्ना धारणा राखेका थिए।
महासङ्घमा धानुक, केबट, कुर्मी र अमात्य जातिका समुदाय आबद्ध छन्। १५ वटा जिल्लाबाट प्रतिनिधित्व रहेको यस महाधिवेशनले नयाँ नेतृत्व चयन गर्ने तयारी समेत गरेको आयोजकहरूले जानकारी दिएका छन्।
महाधिवेशनले डिक्का समुदायको सामाजिक, सांस्कृतिक तथा शैक्षिक उत्थानमा योगदान पुग्ने अपेक्षा गरिएको छ।
Discussion about this post