पुस १८ गते। गृह मन्त्रालय र नेपाल प्रहरी प्रधान कार्यालयले नेपाली सेना, नेपाल प्रहरी, सशस्त्र प्रहरी बलसँग मिल्दोजुल्दो पोशाक र दर्ज्यानी चिह्न प्रयोग नगर्न भनेको छ।
नगर प्रहरीलगायत सरकारी र गैरसरकारी तथा निजी क्षेत्रका सुरक्षा गार्डले पनि सेना, प्रहरीले प्रयोग गर्दै आएका पोशाक र दर्ज्यानी चिह्न लगाउँदा जनमानसमा भ्रम सिर्जना भएकोले त्यसो नगर्न गृह मन्त्रालय र प्रहरी प्रधान कार्यालयले पटक-पटक ध्यानाकर्षण गराउँदै आएको छ।
हालै गृह मन्त्रालय र प्रहरी प्रधान कार्यालयले जिल्ला प्रशासन कार्यालय तथा काठमाडौं उपत्यका प्रहरी कार्यालय रानीपोखरीसहित सातै प्रदेश प्रहरी कार्यालयमा परिपत्र गरेर सेना र प्रहरीले प्रयोग गर्दै आएका पोशाक र दर्ज्यानी चिह्नसँग मिल्दोजुल्दो हुने गरी कोही कसैले प्रयोग नगर्न र प्रयोग गरे पाइएमा कानुनअनुसार कारबाही दायरामा ल्याउन भनेको छ।
Discussion about this post