जनकपुरधाम/असार १७ गते ।धनुषाबाट प्रतिबन्धित लागूऔषध ब्राउनसुगर सहित एकजना पक्राउ परेका छन् ।
पक्राउ पर्ने धनुषाको जनकपुर उपमहानगरपालिका -२० देवपुरा रुपैठाका २५ वर्षी अमित कुमार झा रहेका छन् ।धनुषाको दक्षिणी सीमावर्ती क्षेत्र अवस्थित जटही नाकाबाट भित्र्याइ जटहीहुँदै काठमाण्डुसम्म चल्ने रात्रि बसबाट लागूपदार्थ ब्राउन सुगर बरामद गरेको जिल्ला प्रहरी कार्यालय धनुषाले जनाएको छ ।
सो बसलाई जनकपुरधामस्थित मुजेलियामा चेकजाँच गर्नेक्रममा बागमती प्रदशे ०३–००१ ह २५१४ नम्बरको रात्रि बसमा ४४ ग्राम ब्राउन सुगर जस्तो देखिने लागू पदार्थ खोज तलास गर्दा बरामद गरिएको धनुषा प्रहरीले जनाएको छ ।
लागूऔषध सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
Discussion about this post