लागूऔषध सहित एक भारतीय नागरिक पक्राउ

सर्लाही/जेठ ३० गते। सर्लाहीबाट प्रतिबन्धित लागूऔषध सहित एक भारतीय नागरिक पक्राउ परेका छन् । पक्राउ पर्नेमा भारत बिहारको सीतामढी जिल्लाको मैबी ग्राम निबासी २५ वर्षीय राहुल तिवारी रहेका छन् ।

तिवारीले चढेको बिआर ०५ एल ८३०८ नम्बरको भारतीय नम्बर प्लेटको मोटरसाइकललाई सोमवार दिउँसो इलाका प्रहरी कार्यालय हरिवनको टोलीले आशंका लागेर हरिवन नगरपालिका ७, साइफन चोकमा चेकजाँच गर्दा ११८ बोतल लागु औषध बरामद भएको हो।

मोटरसाइकलको सिट मुनि र ट्यांकी मुनि लुकाएर विन्सेरेक्स १०० एमएल ११९ बोतल लुकाएको अवस्थामा प्रहरीले पक्राउ गरेको हो । नियन्त्रणमा लिइएको प्रतिबन्धित ११९ बोतलमध्ये एउटा खाली बोतल भएको प्रहरीले जनाएको छ।लागूऔषध सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीका प्रवक्ता डिएसपी दिपक श्रेष्ठले जानकारी दिए ।