आदालतको आदेश अवज्ञा गर्दै सुखिपुर न.पा.ले सार्वजनिक भवन निर्माण गर्दै

महेश सिंह,लहान।सिरहा जिल्लाको सुखिपुर नगरपालिका वडा नम्बर – १० को नङ्गुरवा कियोटटोलमा सार्वजनिक दलान निर्माण कार्य भैरहेको छ । सार्वजनिक जग्गामा नगरपालिका द्वारा भवन निर्माणको काम भएपनी नवनिर्मित भवनको पछाडी पट्टी सोही नगरपालिका वडा नम्बर – ७ निवासी रामकुमार महतोको निजि जग्गा छ ।

जग्गाधनी महतोको छोरा देवचन्द्र कुमार सिंहद्वारा आज गरेको पत्रकार सम्मेलनको बिज्ञप्तिमा लेखिएको छ – कित्ता नम्बर १०६ को १ कठ्ठा २ धुर जग्गाको मुखै बन्द हुनेगरी नगरपालिकाले सार्वजनिक जग्गामा भवन निर्माण गरेको हो ।

‘मेरो जग्गाको मुख छेकिएकोले भवन निर्माण कार्य रोक्न मैले जिल्ला आदालत सिरहामा नगरपालिकालाई बिपक्षी बानाई मुद्दा दिएको छु,` मुद्दाको छिनोफानो नभए सम्म आदालतले भवन नबनाउन आदेश दिएको छ तै पनि भवन को निर्माण कार्य बन्द नगरेको सिंहले बताएका छन् ।´ उनले भने – उक्त क्षेत्रफल भएको जग्गा घडेरी हो नगरपालिकाले मुखै छेक्ने गरि भवन निर्माण गर्नु कताको जायज हो । जग्गा धनी संग लिखित रुपमा सहमति नगरी नगरपालिकाले भवन निर्माण गरिरहेको उनको आरोप छ ।

नगरपालिकाले करिब ३० फिट लम्बाई १९ फिट चैडाई भएको एक तल्ले भवन निर्माण गरिरहेको छ । एक जना स्थानीय वडा नम्बर ७ निवासी दिपेन्द्र कुमार यादवले भने जग्गाको मुख ७५ फिट छ जग्गाको दक्षिण पट्टी करिब २९ फिट र उत्तर पट्टी ११ फिट छोडेर भवन निर्माण गरिरहेछ ।सो विषयमा वडा अध्यक्ष संग कुरा गर्दा वडा नम्बर – १० का वडा अध्यक्ष रामलखन महतोले भने यो भवन कतिको लागतमा बनिरहेको छ मलाई केही थाहा नदिई नगरपालिकाले भवन निर्माण गरिरहेको बताए।
कसैको निजि सम्पतीको मुख छेक्ने गरि भवन निर्माण गर्नु सामाजिक रुपले जायज नभएको उनले प्रतिक्रिया दिए ।

स्थलगत रुपमा उक्त ठाउँमा पत्रकारको एक टोलिले रिपोर्टिङ गर्न जादा नव निर्मित भवनको काम भैरहेको थियो । भवनको काम सुचारु अबस्थामा देखिएपनि लागत पारदर्शी हुने खालका सार्वजनिक सूचना पार्टी रहेको थिएन । यता सो विषयमा नगरपालिका प्रमुख प्रशासकिय अधिकृत डा श्रवणकुमार साह संग सोध्दा मेयरलाई थाहा छ यसबारे मलाई खासै जानकारी नभएको बताए ।