सञ्जय चौधरीको अथक प्रयासपछी कित्ता काट शुरु

बिनोद मण्डल/असार १३ गते । सिराहाको धनगढीमाई नगरपालिकाको भू उपयोग योजना तथा जग्गा बर्गिकरण गरि आज देखि जग्गाको कित्ताका शुरु भएको छ ।

धनगढीमाई नगरपालिकाको भू-उपयोग मापदण्ड,२०८० अनुसार भू-उपयोग योजना जग्गा बर्गिरकरण गरि डिजिटल डाटा र अध्यावधि गरेको डिजिटल नक्सा लगाएतका प्राविधिक वस्तुहरू मालपोत कार्यालय लहानलाई हस्तान्तरण गर्दै कित्ताकाट औपचारिक रूपमा धनगढीमाईमा खुलेको नगर प्रमुख शिव शंकर महतोले जानकारी दिनु भयो ।

नितिगत निर्णय नगरपालिकाले पौष महिनामै गरेतापनि बिभिन्न कारणले कार्यान्यनमा आउन नसकेको अवस्थामा हाल कित्ता काट खुलेकोले नगरबासीलाई जग्गा खरिद बिक्रीमा सहज हुने नगर उप प्रमुख संगिता चौधरी बताउनु हुन्छ ।

धनगढीमाई नगरपालिकाको भू-उपयोग तथा जग्गा बर्गिकरण भएको कागजात हस्तान्तरण कार्यक्रममा नगर प्रमुख शिव शंकर महतो, उप प्रमुख संगिता चौधरी, प्रमुख प्रशासकीय अधिकृत गोपाल प्रसाद बगाले , वडा अध्यक्षहरु कार्यपालिका सदस्य र संचारकर्मीहरुको उपस्थितिमा मालपोत कार्यालयका कार्यालय प्रमुख दिपेन्द्र चौधरी र नापी कार्यालयका सर्वेक्षक मनोज यादब र मागैन महतोलाई नगर प्रमुख, उप प्रमुख र प्रमुख प्रशासकीय अधिकृतले सामुहिक रुपमा कागजात हस्तान्तरण गर्नु भएको भूमि इकाई शाखा प्रमुख संजय कुमार चौधरीले जानकारी दिनु भएको छ । पालिका भित्रका जग्गा सम्बन्धी झमेलालाई सहज तरिका बाट तार्किक निश्कर्षमा पुगाउन अहम भूमिका निर्वाह गरेका सञ्जय चौधरीको अथक परिश्रम र प्रयासबाट आज देखि कित्ता काट खुलेकाे खवरले स्थानिय खुशी भएका छन ।