ध्रुव अधिकारी/वीरगञ्ज/जेठ २३ गते । पर्साको वीरगञ्जमा लामो समयदेखि सौतेनी बुवाले नाबालिका छोरीको बला त्कार गरेको रहस्य सार्वजनिक भएको छ ।
वीरगञ्ज महानगरपालिका वडा नंं-३ छपकैया निवासी १५ वर्षीय नाबालिकाको बलात्कार भएको उजुरी पीडितकी आमाले जिल्ला प्रहरी कार्यालयमा दर्ता गराएपछि घटना सार्वजनिक भएको हो । नाबालिकाकी आमाले नै आफ्नो पूर्व श्रीमानले आफ्नी छोरीलाई जबरजस्ती करणी गरेको जाहेरी पर्सा प्रहरीमा दिएपछि घटना बाहिरिएको हो ।
महिलाले पूर्व श्रीमानले छोरीलाई ११ वर्षको उमेरदेखि नै निरन्तर बलात्कार गरेको जाहेरी दिएकी छिन् । बालिकाका सौतेनी बुवा यही वैशाखमा वैदेशिक रोजगारीमा गएपछि छोरीले घटनाको बारेमा जानकारी गराएपछि मात्र पीडितकी आमाले जिल्ला प्रहरी कार्यालयमा जाहेरी दिएको पर्साका प्रहरी प्रवक्ता प्रहरी नायव उपरीक्षक दिपक गिरीले जानकारी दिए ।
पीडित र अभियुक्त दुवै मुस्लिम समुदायका हुन् । पीडित बालिका अहिले आफ्नी आमाको साथमा रहेको प्रहरी नायव उपरीक्षक दीपक गिरीले बताए । पूर्व श्रीमानको हिंसा सहन गर्न नसकेर महिलाले अर्को विवाह गरेर हिँडेपछि घरमा एक्लै रहेकी सौतेनी छोरीलाई अभियुक्तले लामो समय देखि बलात्कार गर्दै आएको बालिकाले प्रहरी समक्ष प्रारम्भिक बयान समेत दिएको गिरीले बताए ।
घटना विषयमा अनुसन्धान सुरु गरिएको र अभियुक्त नै वैदेशिक रोजगारीका लागि बाहिर रहेकाले आवश्यक कानुनी प्रक्रिया लागेको प्रवक्ता गिरीले जानकारी दिए ।
अन्तर्राष्ट्रिय प्रहरी सङ्गठन इन्टरपोलको सहयोगमा अभियुक्तलाई पक्राउ गर्ने प्रक्रिया अगाडी बढाइने उनको भनाई छ । पीडित नाबालिकालाई स्वास्थ्य परिक्षण गरी आमाको जिम्मा लगाइएको छ ।
Discussion about this post