सिरहाको लहानमा लघुवित्त संस्थाका विरुद्धको आन्दोलन चर्कियो,संस्थाहरुले कार्यालयको बोर्डसमेत हटाए

बिनोद मण्डल/सिरहा/जेष्ठ १३ गते। लघुवित्त संस्थाका विरुद्ध सिरहाको लहानमा आन्दोलन चर्किएको छ ।

सँघर्ष समितीका सिराहा अध्यक्ष अर्जुन विश्वकर्माको नेतृत्वमा गरिएको , आजको प्रदर्शनले लाहान स्थित रहेको विभिन्न लघुवित्त संस्थाहरूमा तोडफोड गर्नुका साथै चर्का नारासहित खारेजको माग गरेका छन ।

चर्किएको आन्दोलनमा प्रहरी दमन भए पछि एक प्रहरी र एक आन्दोलनकारी सामान्य घाइते भएका हुन । लाहान स्थित रहेका एनआइसी एसिया लगायतका लघुवित्त कार्यालयहरुमा ताला लगाउन गएका आन्दोलनकारी र प्रहरी बीच झडप भएको थियो ।

मणिराम ज्ञवाली नेतृत्वको समर्थकहरुद्वारा सिरहाको लहानमा थालिएको आन्दोलनले करिब आधा दर्जन लघुवित्त संस्थाहरुमा तलाबन्दी गरेका छन । आफ्ना विभिन्न ५ सुत्रीय माग राख्दै आन्दोलनमा उत्रिएका महिलाहरू यतिवेला सडक तताई रहेका छन भने एन आइसी एसिया लघुवित्त सस्थाले आफ्ना बोर्ड समेत हटाएको अवस्था रहेको देखिन्छ । कार्यक्रममा समाजिक अभियन्ता पुनम महतो , केन्द्रिय सदस्य धनिक लाल चौधरी , मधेस प्रदेश सल्लाहाकार मो.गुलजार मियाँ, सप्तरी जिल्ला अध्यक्ष अनिता चौधरी,उपाध्यक्ष उमेश भगत,सिरहा जिल्ला सदस्य सुलोचना चौधरी,लिलम कामैत लगायतका व्यक्तिहरूको सहभागितामा आन्दोलन जारी रहको छ ।

आन्दोलनको डरले सिरहाको लहानमा रहेको लघुबित्त संस्थाहरुले कार्यालयको बोर्डसमेत हटाएर कार्यालय छोडने गरेका छन भने आन्दोलनका कारण लघुबित्त कर्मचारीहरुले मानशिक तनाव खेप्न बाध्य भएका छन । यतिबेला देश भर चर्किएको आंदोलका कारण जिल्ला,जिल्लाबाट लघुबित्त संस्थाहरु बिस्थापित भइरहेका छन । पीडित महिलाहरू सकृय हुँदा लघुबित्त कर्मचारीहरुले कार्यालय छोडन बाध्य भएका छन । भने आन्दोलन जारी राख्ने अध्यक्ष बिश्वकर्माले जनाएका छन ।