सिरहाको सखुवानन्कारकट्टीमा आगलागीहुँदा आठ लाख मूल्य बराबरको धनमाल जलेर न ष्ट

सिरहा/वैशाख २८ गते । सिरहाको सखुवानन्कारकट्टी गाउँपालिका ५ कल्याणपुर टोलमा आज विहान भएको आगलागीबाट आठ लाख मूल्य बराबरको अन्नपात तथा धनमाल जलेर नष्ट भएको छ।

सबुरी यादवको फुसको भान्सा घरबाट विहान करिव ९ः३० बजे अचानक सुरु भएको आगलगीबाट चारघर र घरमा रहेको गहु, धान लगायतका अन्नपात र लत्ताकपडा, नगद र सुनचाँदी सहितका सामाग्री जलेर नष्ट हुँदा आठ लाख बराबरको क्षति भएको हो।

सबुरी यादवको भान्साघरबाट सुरुभएको आगोले विसुन यादव, चन्दर यादव, रामअशिष यादवको घर र घरमा रहेको अन्नपात, लत्ताकपडा, कागजपत्र, नगद, भाँडाकुँडा, सुनचाँदी लगायतका सम्पुर्ण धनमाल जल्दा आठ लाख मुल्य बराबरको क्षति भएको जिल्ला प्रहरी कार्यालय सिरहाका सूचना अधिकारी डीएपी रबीन्द्रराज पाण्डेले जानकारी दिए।

लहान नगरपालिकाबाट गएको बारुण यन्त्र, स्थानीय र प्रहरीले करिब १ घण्टा लगाएर आगो नियन्त्रणमा लिएका थिए। तराइमा अत्यधिक गर्मिका कारण आगलागीको घटना बढी रहेको छ। बुधबारमात्र सिरहाको सुखिपुर ३ एक घर तथा किराना पसल र मंगलबार गोलबजार नपा ४ को चिया तथा नास्ता पसल र किराना पसलमा आगलागी भएको थियो।