काठमाडौं/भदौं १३ गते । तिब्बत हुदैँ नेपाल पसेको प्रलयकारी बाढी पछि फसेकाहरूको उद्दार कार्यमा बागमती प्रदेशका मुख्यमन्त्री किरण थापाले सक्रियता बढाएका छन ।
भोटेकोशी र त्रिशुलीको तटीय क्षेत्रमा बिनाश निम्ताउने प्रलयकारी बाढीका कारण मुख्य गरी रसुवा क्षेत्रमा फसेकाहरूको उद्दार र राहत दिलाउनका लागि मुख्यमन्त्री थापा फिल्डमा नै सक्रिय भएर बैकल्पिक मार्ग र अलपत्रहरूलाई निःशुल्क खानपीनको ब्यवस्था गरिदिएका छन ।
जसका कारण धुन्चेमा रहेका मानसरोवर र गोसाइकुण्ड जाने तीर्थयात्री, पर्यटक एवं सर्वसाधारणलाई बागमती प्रदेश सरकारको बिशेष पहलमा वैकल्पिक मार्ग प्रयोग गरी काठमाडौँ उपत्यका ल्याउने व्यवस्था मिलाउन सफल भएको छ।
‘धुन्चेमा रोकिएका तिर्थयात्री, पर्यटक सर्वसाधारणलाई हामीले त्यहीँ निःशुल्क खाना खुवाउने व्यवस्था गरेका छौँ, खाना खुवाइ सकेपछि उहाँहरूलाई मोटरमार्फत महावीरसम्म पु¥याउने र महावीरबाट करिब एक घण्टा पैदल हिँडे पछि चौगटीसम्म पुगे पछि त्यहाँबाट पुनः सवारीसाधनमार्फत काठमाडौँ पठाउने कार्य गरिरहेका छौं’ उनले सञ्चारकर्मीसँग भने ।
उनका अनुसार तीन दिन देखी उद्धारका पर्खाइमा रहेका अलपत्र यात्रुलाई प्रदेश सरकारले निःशुल्क बसको व्यवस्था गरेर काठमाडौँ आइपुग्न सक्ने चाँजोपाँजो पनि मिलाएको छ।
तत्काल उद्दार हुन वा काठमाडौंतर्फ आउन नसकेका तिर्थयात्री, पर्यटक र सर्वसाधारणकाका लागि धुन्चे र चौगटीमा सर्वसाधारणका लागि निःशुल्क खानपानको व्यवस्था प्रदेश सरकारले नै मिलाएको छ ।
त्यसैगरी वागमती प्रदेश सरकारले त्रिशूली पारिको क्षेत्रमा अवरुद्ध रहेको मध्यपहाडी लोकमार्ग मर्मत कार्य तिब्रताका साथ सुरू गरेर यातायात सञ्चालनमा ल्याउने प्रयास थालनी गरेकोसमेत उनले जानकारी दिए । उनका अनुसार सडक सञ्चालनमा आए पछि रसुवालगायत बाढी प्रभावित क्षेत्रका सर्वसाधारणले वैकल्पिक रूपमा सोही मार्ग प्रयोग गरी काठमाडौँ वा अन्यत्र जान आउन सक्नेछन् ।
Discussion about this post