“ट्री अफ द इयर नेपाल २०२६” प्रतियोगिताको लागि आवेदन खुला

काठमाडौं/जेठ १ गते । नेपालका ऐतिहासिक, सांस्कृतिक, धार्मिक तथा वातावरणीय महत्व बोकेका रूखहरूको पहिचान, संरक्षण र प्रवद्र्धन गर्ने उद्देश्यसहित “ट्री अफ द इयर नेपाल २०२६” अर्थात “बर्षको रुख” अभियान प्रतियोगिता सुरु भएको छ ।
क्रिएसन नेपालद्धारा द्वारा सञ्चालन गरिएको यो वार्षिक अभियान प्रतियोगिता मार्फत देशभर रहेका विशेष महत्वका रूखहरूको कथा, योगदान र संरक्षणको सन्देश उजागर गरिने आयोजक संस्थाले जनाएको छ ।

अभियानअन्तर्गत आफ्नो गाउँ, समुदाय वा क्षेत्रमा रहेका विशेष रूखहरू मनोनयन गर्न सर्वसाधारणलाई आह्वान गरिएको छ । आयोजकका अनुसार, रूख केवल प्रकृतिको हिस्सा मात्र नभई हाम्रो इतिहास, संस्कृति र जीवनसँग गहिरो रूपमा जोडिएका सम्पदा हुन् त्यसलाई उजागार गर्न यस अभियानले टेवा पुग्ने विश्वास गरिएको छ ।

अभियानको प्रचारप्रसार तथा संरक्षण सन्देश फैलाउन सबैलाई सामाजिक सञ्जाल, समूह तथा समुदायस्तरमा पोस्टर र जानकारी शेयर गर्न पनि अनुरोध गरिएको छ ।

“ट्री अफ द इयर नेपाल २०२६ आधिकारिक रूपमा सुरु भएको छ । आउनुहोस, प्रकृति, कथा र संरक्षणलाई सँगै उत्सव बनाऔं,” भन्ने सन्देशसहित अभियानलाई व्यापक बनाउन अपिल गरिएको छ ।
अभियानमा सहभागी भई आफ्नो मनपर्ने रूख मनोनयन गर्न तथा थप जानकारी लिन इच्छुकले क्रिएसन डट ओआरजी मार्फत जानकारी लिन सकिन्छ । वा क्रिएसन का सबै सामाजिक सन्जाल मार्फत सहभागी हुन सकिन्छ ।

यस प्रतियोगितामा सहभागी हुन चाहनेहरुले आफनो वरिपरीका ऐतिहासिक, साँस्कृतिक तथा कथा बोकेको रुखका फोटोहरु खिचेर त्यसका महत्व सहितको विवरण हामीलाई पठाउनु पर्ने हुन्छ । सहभागीले पठाउने विवरणमा रूखको पारिस्थितिक, सांस्कृतिक, ऐतिहासिक वा सामाजिक महत्व, त्यसले सामना गरिरहेका चुनौतीहरू -जस्तैः सहरीकरण, वन विनाश, जलवायु परिवर्तन आदि) तथा उक्त रूख किन “ट्री अफ द इयर नेपाल २०२६” बन्न योग्य छ भन्ने विषय उल्लेख गर्नुपर्ने आयोजकले जनाएको छ ।

प्राप्त फोटोहरु मध्ये प्रत्येक प्रदेशबाट उत्कृष्ट एक जनालाई विजेत घोषणा गरिनेछ भने समग्रमा ७ वटा उत्कृष्ट मध्येलाई बर्षको रुख २०२६ घोषणा गरिने छ । विजेताले नगद १ लाख पुरस्कार सहित प्रमाणपत्र प्राप्त गर्नेछन । त्यस्तै प्रतियोगितामा पहिलो तथा दोश्रो रनरअपलाई पनि पुरस्कारको व्यवस्था गरिएको छ ।
यो केवल प्रतियोगिता मात्र होइन, यो वातावरण तथा पर्यावरण संरक्षणका लागि एक सामुहिक अभियान हो । रुख केवल रुख मात्रै होइन, रुख हाम्रो जीवन हो, सभ्यता हो, संस्कृति हो र रुख मानवलाई जीवन्त प्रदान गरिने एक महत्वपुर्ण अंश हो ।