धनुषा/फागुन २२ गते। निर्वाचन आयोगको स्पष्ट निर्देशन नआएसम्म धनुषा निर्वाचन क्षेत्र नम्बर १ मा मतगणना सुरु नगर्ने सूचना जारी गरिएको छ।
धनुषा प्रतिनिधिसभा निर्वाचन क्षेत्र नम्बर १ का लागि निर्वाचन अधिकृतको कार्यालयले सूचना जारी गर्दै मतगणनासम्बन्धी स्पष्ट निर्देशन माग गर्दै आयोगसँग पत्राचार गरिएको जनाएको छ।
सूचनामा उल्लेख गरिएअनुसार मतगणना सम्बन्धमा स्पष्ट निर्देशन पाउन भनी आयोगलाई फाल्गुन २२ मा पत्र पठाइएको छ। तर हालसम्म आयोगबाट निर्देशन प्राप्त नभएकाले निर्देशन प्राप्त भएपछि मात्र मतगणना कार्य सुरु गरिने जनाइएको छ।
“निर्देशन प्राप्त भएपछि मतगणना कार्य प्रारम्भ गरिनेछ र त्यसबारे पुनः सूचना प्रकाशित गरिनेछ,” सूचनामा उल्लेख छ।
उक्त सूचना मनोज बराल, निर्वाचन अधिकृत, प्रतिनिधिसभा निर्वाचन क्षेत्र नम्बर १, धनुषाद्वारा जारी गरिएको हो।
Discussion about this post