सरकार अनलाईन मिडियासँग सहकार्य गर्न तयार छः सञ्चारमन्त्री खरेल

पुस ६ गते। सञ्चार तथा सूचना प्रविधिमन्त्री जगदीश खरेलले अनलाईन टिभी मिडियासँग सरकार सहकार्य गर्न तयार रहेको बताउनुभएको छ । मन्त्रालयमा आईतवार आयोजित छलफल कार्यक्रममा उहाँले सरकारले नीतिगत रुपमा सुधार गरेर नै अनलाईन टिभी मिडियाहरुसँग सरकारले सहकार्य गर्ने बताउनुभएको हो । उहाँले अनलाईन टिभी मिडिया न्यु मेन स्ट्रिम मिडिया भएको पनि बताउनु भयो । उहाँले न्यु मेन स्ट्रिम मिडियाले देश र जनताको लागि ठूलो सहयोग गरेको पनि बताउनु भयो । न्यु मेन स्ट्रिम मिडियालाई दर्ता प्रक्रियामा सहजीकरण, लोककल्याणकारी विज्ञापन, नविकरणमा सहजिकरण, तालिम, पुरस्कार लगायतका व्यवस्था सरकारले गर्ने बताउनु भयो ।

उहाँले भन्नुभयो, ‘न्यु मेन स्ट्रीम मिडियाहरुले जे सहयोग गरिराख्नुभएको छ, देश र जनताको । त्यसमा म एकदमै आभारी छु, सरकार आभारी छ । सरकारले न्यु मेन स्ट्रिम मिडियालाई रिकक्नाईज गरेको, सम्मान गरेको, सहकार्यको हात अगाडी बढाएको यहाँहरुले पक्कै पनि महशुस गरिराख्नु भएकै होला । त्यो गर्ने नै हो, तपाईहरुसँग सहकार्य गर्ने हो । त्यसैले अब बाटो अगाडी बढाउनुपर्छ ।’ उहाँले नयाँ प्रविधि र अवधारणसहित सञ्चालनमा आएका युट्युव च्यानल, अनलाईल टेलिभिजनलाई सरकारले पनि सहयोग गर्न आवश्यक नीति बनाउन लागेको पनि जानकारी दिनुभयो ।