नेपाल सरकारले माघ १ गते देखि नगद कारोबारको सीमा घटाएर ५ लाख रुपैयाँमा सीमित गर्ने निर्णय गरेको छ।
एफएटीएफको ग्रे–लिस्टबाट बाहिरिने प्रयासका क्रममा सरकार सम्पत्ति शुद्धीकरण रोकथाम र वित्तीय अपराध नियन्त्रण कडाइका उपायहरू लागू गर्दै आएको छ। सोहीअनुरूप यसअघि १० लाख रहेको नगद कारोबार सीमा घटाएर ५ लाखमा ल्याइने भएको हो।
नयाँ व्यवस्थाअनुसार ५ लाख रुपैयाँभन्दा बढीका वस्तु वा सेवा खरिद–बिक्री अब चेक, बैंक ट्रान्सफर वा डिजिटल माध्यममार्फत अनिवार्य रूपमा गर्नुपर्नेछ।
व्यक्तिगत खाताबाट रकम झिक्न रोक नलगाइए पनि बैंकले ५ लाखभन्दा बढी नगद निकासी भएमा कारण सोध्नेछ। नियम उल्लङ्घन भएमा सम्पत्ति शुद्धीकरण ऐनअनुसार छानबिन तथा कारबाही प्रक्रियामा पर्न सक्छ।
Discussion about this post