गिरिजानन्द साह/जनकपुरधाम/भदौ १५ गते । मधेसी स्वास्थ्यकर्मी फोरम नेपाल मधेस प्रदेशको दोस्रो अधिवेशन सम्पन्न भएको छ । अधिवेशनले सर्वसम्मत निर्णयमार्फत श्री विनोद यादवको नेतृत्वमा १७ सदस्यीय नयाँ कार्यसमिति चयन गरेको छ ।
अधिवेशनमा सहभागी स्वास्थ्यकर्मी तथा प्रतिनिधिहरूले संगठनलाई सबल, सशक्त र प्रभावकारी बनाउँदै स्वास्थ्य क्षेत्रको सुधारका लागि एकजुट भएर अगाडि बढ्ने प्रतिबद्धता व्यक्त गरेका छन् ।
नव–निर्वाचित कार्यसमितिको पदाधिकारीहरुमा अध्यक्ष विनोद यादव,उपाध्यक्ष संजीव यादव (खुल्ला), चुन चुन प्रसाद यादव (आयुर्वेद), बविता मण्डल (महिला),मुख्य सचिव भागिरथ चौधरी,सचिव नरेश कुमार ठाकुर, शशिकान्त प्रसाद श्रीवास्तव,कोषाध्यक्ष रणधीर कुमार यादव,सह–कोषाध्यक्ष उज्जवल यादव र सदस्यहरू रामकुमार यादव (धनुषा),रमेशकुमार साह (सर्लाही),रामकुमार यादव (महोत्तरी),अभिषेक नारायण यादव (महोत्तरी),रामकुमार साह (सर्लाही) चयन भएका छ्न ।
अधिवेशनमा वक्ताहरूले स्वास्थ्य सेवालाई जनताको पहुँचसम्म पु¥याउन, ग्रामीण भेगका जनतालाई गुणस्तरीय स्वास्थ्य उपचार उपलब्ध गराउन र स्वास्थ्य क्षेत्रमा व्यावसायिक क्षमता अभिवृद्धि गर्ने विषयमा जोड दिएका थिए ।
यसैगरी, सहभागीहरूले मधेस प्रदेशमा कार्यरत स्वास्थ्यकर्मीहरूको एकता, हक–अधिकार र पेशागत मर्यादाको संरक्षण गर्दै स्वास्थ्य प्रणाली सुदृढ बनाउन फोरमले नेतृत्वदायी भूमिका निर्वाह गर्ने विश्वास व्यक्त गरेका छन् ।
नव–निर्वाचित अध्यक्ष विनोद यादवले आफ्नो कार्यकालमा स्वास्थ्य क्षेत्रको समस्या समाधान, स्वास्थ्यकर्मीको हकहित र सेवाग्राहीलाई सहज सेवा उपलब्ध गराउने मुख्य एजेन्डा हुने प्रतिबद्धता जनाउनुभएको छ ।
कार्यक्रममा विभिन्न जिल्लाबाट आएका प्रतिनिधिहरूले नयाँ कार्यसमितिलाई हार्दिक बधाई दिँदै सफल कार्यकालको शुभकामना व्यक्त गरेका छन् ।
Discussion about this post