बैशाख १४ गते। राजर्षि जनक विश्वविद्यालय अनुसन्धान केन्द्रको आयोजनामा “स्थानीय तहमा अनुसन्धानको आवश्यकता तथा भूमिका” विषयक संगोष्ठी शनिबार जनकपुरधाममा सम्पन्न भएको छ।२०२५ अप्रिल २६ (वि.सं. २०८२ वैशाख १३) का दिन सम्पन्न उक्त कार्यक्रममा स्थानीय सरकारहरूमा प्रभावकारी योजना निर्माण, नीति विकास तथा सेवा प्रवाहमा अनुसन्धानको भूमिका र आवश्यकता विषयमा व्यापक छलफल गरिएको थियो।
कार्यक्रममा विश्वविद्यालयका उपकुलपति प्रा.डा. अमर प्रसाद यादव, विश्वविद्यालयका रजिष्ट्रार सत्यनारायण शाहलगायत विभिन्न विषय विज्ञहरूले आफ्नो-आफ्नो धारणा राखेका थिए। उनीहरूले अनुसन्धानलाई स्थानीय तहको विकासमा अभिन्न अंगका रूपमा स्थापित गर्नुपर्नेमा जोड दिएका थिए। संगोष्ठीमा विश्वविद्यालयका पदाधिकारीहरू, प्राध्यापकहरू, अनुसन्धानकर्ता, विद्यार्थीहरू तथा स्थानीय तहका प्रतिनिधिहरूको उल्लेखनीय उपस्थिति थियो। सहभागीहरूले स्थानीय तहको नीति निर्माण तथा विकास कार्यमा अनुसन्धानको प्रत्यक्ष प्रयोग र महत्त्वका विषयमा आफ्ना विचार व्यक्त गरेका थिए।
राजर्षि जनक विश्वविद्यालय अनुसन्धान केन्द्रका प्रमुखले स्थानीय तहमा आधारित अनुसन्धान गतिविधिलाई सशक्त बनाउन विश्वविद्यालय र स्थानीय सरकारबीच सहकार्य अपरिहार्य रहेको बताए। कार्यक्रमले स्थानीय सरकारहरूसँग सहकार्य गर्दै अनुसन्धानलाई व्यवहारमा उतार्न नयाँ दिशा र प्रेरणा दिने अपेक्षा गरिएको छ।
Discussion about this post