जनकपुरधाम/पुस २१ गते। माँ जानकी जनकपुरधाम यातायात प्रालिको साधारणसभाको उदघाटन कार्यक्रम आज एक समारोह बीच सम्पन्न भएको छ । सो समारोहको उदघाटन गर्दै पूर्व उपप्रधानमन्त्री विमलेन्द्र निधिले देशको सबैभन्दा ठूलो रोजगार दिने यातायात क्षेत्रलाई भरपर्दो र विश्वासिलो बनाउनुपर्नेमा जोड दिएका छन् ।
माँ जानकी यातायात प्रालि जनकपुरधामको छैटौँ वार्षिक साधारण सभा तथा तेस्रो अधिवेशनको शनिवार जनकपुरधाममा उदघाटनगर्दै नेता निधिले यातायात क्षेत्रका मजदुर हरूको हक र अधिकार संरक्षणका लागि आफ्नो निरन्तर सहयोग रहने प्रतिबद्धता व्यक्त गरे । विगतमा आफू भौतिक पूर्वाधार तथा यातायात मन्त्रीका रूपमा कार्य गर्दै गर्दा विभिन्न उल्लेखनीय योगदान र यातायात सुधारका महत्वपूर्ण निर्णयहरू गरेको स्मरणगर्दै यातायात व्यवस्थापनलाई आधुनिक, व्यवस्थित र सर्वसुलभ बनाउनका लागि भएका सुधारका कारणले यातायात प्रणालीलाई सबल बनेको बताए ।
जनकपुरधाममा अन्तर्राष्ट्रिय स्तरको बसपार्क निर्माणका लागि हरसम्भव सहयोग र प्रयास जारी राख्ने प्रतिबद्धतागर्दै देशको समृद्धिको यात्रामा सार्वजनिक क्षेत्रका बस व्यवसायीको ठूलो योगदान रहेको स्पष्ट गरे । माँ जानकी जनकपुरधाम यातायात प्रालिका अध्यक्ष मनोज कुमार चौधरीको अध्यक्षतामा भएको उद्घाटन सत्रमा यातायात व्यवसायी र यातायात मजदुर हरुको समस्या समधान गर्न सरकार सकारात्मक हुनुपर्ने माग गरेका थिए ।
निधिले जनकपुरधामबाट हुम्लाजुम्ला बस चलाउन व्यवसायीसँग आग्रह गर्नुभयो । हिमाल, पहाड र मधेश बिचको सम्बन्धलाई जोडनपनि हुम्लाजुम्ला र जनकपुरधाम बस चल्नु परियो उहाँले भन्नुभयो । यसले दूबै ठाउँको पर्यटनको विकास हुनुका साथै दूई संस्कृतिको अदानप्रदान समेत हुनेछ निधिको कथन थियो । सिन्धुली काठमाडौ सडकलाई आफू रोमान्टिक रोड भन्दै आएको बताउँदै उहाँले भन्नुभयो – त्यो सडकमा ठूलो बस (सवारीसाधन) को आवश्यकता छैन, सानो गाडी, पिकनिक स्थल जस्ता कार्यमा प्रयोग गर्नुपर्छ ।
नेपालमा कुन सडकमा के चलाउनुपर्छ त्यो नितिको आवश्यकता माथि पनि जोड दिनु भएको छ । समारोहमा पूर्व मन्त्री एवं एमाले नेता उमाशंकर अरगरियाले विकासका लागि जातीय आधारमा जनप्रतिनिधि चुन्ने सोच बाधक बनेको बताउनुभयो । उहाँले चुनाबको बेला जाती हेरेर मत दिन्छौ पछि अफसोच गर्छौ त्यो भएन, काम गर्ने क्षमता छ कि छैन त्यो हेरेर मत दिन आग्रह गर्नुभयो ।
जनकपुरधामको पर्यटनको विकासमा यातायात व्यवसायीको योगदानको समेत चर्चा गर्नुभयो । नेपाल राष्ट्रिय यातायात व्यवसायी महासंघका राष्ट्रिय अध्यक्ष विजय स्वाँरले नेपालमा यातायातको स्पष्ट निति नरहेकाले यातायात व्यवसाय अगाडी बढन नसकेको बताउनु भयो । उहाँले छुटाछुटै प्रदेशको छुट्टाछुट्टै नितिले काम गर्न अपठ्यारो भइरहेकाले एउटा निति बनाउन राज्यसंग आग्रह गर्नुभयो । लोकतान्त्रिक यातायात व्यवसायी संघका राष्ट्रिय अध्यक्ष योगेन्द्र कर्माचार्यले राज्य यातायात व्यवसायको विकास प्रति उदासिन रहेकोमा कडा आलोचना गर्नुभयो ।
नेपाली कांग्रेस धनुषाका सभापति योगेन्द्र पजियारले एक स्थानबाट दोस्रो स्थान जोडन सडक मात्रै होइन यातायात व्यवसायीहरुले गाडी चलाएर कार्य गरिरहेको चर्चा गर्नुभयो । माँ जानकी जनकपुरधाम यातायात प्रालिका अध्यक्ष मनोजकुमार चौधरीले जनकपुरधाम बसपार्कलाई आधुनिक सुविधा सम्पन्न बबनाउने आफनो सपना अघि बढि रहेको जानकारी दिनुभयो । समारोहमा मधेश प्रदेशका पूर्व मन्त्री सुरिता साह, नेपाल रेडक्रस सोसाइटी धनुषाका सभापति नरेशप्रसाद सिंह लगायतले बोल्नु भएको थियो ।
Discussion about this post