जनकपुरधाम। मधेश प्रदेशको राजधानी जनकपुरधाम स्थित रहेको “श्री राम जानकी बहुउद्देश्य अन्तर्राष्ट्रिय रङ्गशाला” निर्माणको मास्टर प्लान सार्वजनिक गरिएको छ। यस ऐतिहासिक परियोजनको प्रस्तुति कार्यक्रम मुख्यमन्त्री सतिश सिंह, भौतिक तथा पूर्वाधार मन्त्री सरोज यादव र अर्थमन्त्रीको सहभागिता रहेको थियो । राष्ट्रिय खेलकुद परिषद्ले गुठी संस्थानसंग जनकपुरधामको रजौलस्थित लक्ष्मण जिराइतको १७ बिगाह जग्गा लिजमा लिएर बनाउने योजना रहेको थियो। श्री रामजानकी बहुउद्देश्यीय अन्तर्राष्ट्रिय रंगशाला निर्माण हुन थालेको दशक भइसक्यो । अब रंगशाला निर्माणको मास्टर प्लान सार्वजनिक गरिएको छ।
क्रिकेट, भलिबल र कबड्डीमा जनकपुरधामको आफ्नै विरासत छ। नेपाल सरकारको सम्बन्धित निकायबाट अन्तर्राष्ट्रिय स्तरको रंगशालाको रुपमा मान्यतासहित निर्माणको अनुमति पाएको यो रंगशालाको अहिलेसम्म पूर्ण भएको छैन। यसै रंगशाला निमार्णसँगै अनुमति पाएको पोखरामा रंगशाला बनेर तयार भइसकेको छ भने सुर्खेतमा डिपिआरका लागि सरकारले पाँच करोड बजेटसमेत छुट्याइसकेको बताइन्छ।
राष्ट्रिय खेलकुद परिषद्ले जनकपुरधामको रजौल स्थित लक्ष्मण जिराइतको १७ बिगाह जग्गामा राष्ट्रको पहिचान तथा गौरव इन्टरनेशनल हब संसारकै आकर्षणको केन्द्र धनुष आकारको रंगशाला ‘श्री रामजानकी बहुउद्देशीय रंगशाला’ उत्कृष्ट रंगशाला निर्माणका लागि वातावरण बनाउने उद्घोष गरिसकेको छ।धेरै समय पछि जनकपुरधाम उपमहानगरपालिकाको मेयर मनोज शाहको निरन्तर प्रयासमा यो योजना अघि बढाइएको हो।
भौतिक तथा पूर्वाधार मन्त्री सरोज यादवले असोजको अन्तिम साता वा कार्तिकको पहिलो सातामा प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवा, जनमत पार्टीका अध्यक्ष डा. सीके राउत लगायतका नेताहरूको उपस्थितिमा रङ्गशालाको शिलान्यास गरिने जानकारी दिएका छन्। यो बहुउद्देश्य रङ्गशालाले जनकपुरधामलाई राष्ट्रिय तथा अन्तर्राष्ट्रिय खेलकुदको केन्द्रबिन्दु बनाउन महत्वपूर्ण भूमिका खेल्ने अपेक्षा राखेको छ ।
Discussion about this post