बैशाख १४ गते। कृषि तथा पशुपन्छी विकास मन्त्रालयका सहसचिव डा. कमलराज गैरेलाई सेवाबाट बर्खास्त गरिएको छ।
मन्त्रालयले शुक्रबार सूचना प्रकाशन गरी २०८० वैशाख २ गतेदेखि सम्पर्कमा नरहेकाले गैरेलाई सेवाबाट बर्खास्त गरिएको जानकारी दिएको हो।
उनलाई निजामती सेवा ऐन, २०४९ को दफा ६१ (१) को खण्ड ६ बमोजिम मन्त्रिपरिषद्को निर्णयमा सेवाबाट हटाइएको मन्त्रालयले जनाएको छ।
सरकारी सेवामा लगातार ९० दिनभन्दा बढी अनुपस्थित भएमा निजामति सेवा ऐन अनुसार भविष्यमा सरकारी सेवामा अयोग्य ठहरिने गरी सेवाबाट हटाउन सकिने व्यवस्था रहेको छ।
Discussion about this post