महोत्तरी युवा संजाल द्वारा गौशला र बनचौरिमा श्रद्धाञ्जली सभा र दिप प्रजवलन कार्यक्रम सम्पन्न

महोत्तरी ।लैङ्गिक हिंसा विरुद्धको १६ दिने अभियान अन्तर्गत महोत्तरी युवा संजाल द्वारा श्रद्धाञ्जली सभा र दिप प्रजवलन कार्यक्रम महोत्तरीको दुई छुट्टाछुट्टै स्थान गौसला र बनचौरिमा सम्पन्न भएको छ ।

बलवा न. पा. १ बनचौरि चौकमा सनजालको बनचौरि संयोजक बृखेश साह को अगुवाइ तथा गौसला न. पा. ५ स्थित त्रिभुवन मा. वि. को गेटबाट उक्त कार्यक्रम सम्पन्न भएको हो । यसैगरी गौसला बजार सम्म बलात्कार विरुद्धको शान्तिपुर्ण र्याली कार्यक्रम सम्पन्न भएको संजालका गौसला संयोजक राजिव साहले जनकारी गराउनुभयो । उक्त कार्यक्रममा समाजसेवी प्रमोद मह्तो लगायतका व्यक्तिले आफ्नो विचर राख्नुभएको थियो भने कार्यक्रमको अगुवाई महोत्तरी युवा संजालका गौसला शाखा सदस्यहरु तथा सम्पुर्ण गौसला नगरबासी द्वारा गरिएको थियो ।

यसैगरी मङ्सिर ८ गते महोत्तरी जिल्ला बर्दिवास – ४ कि सहिद आलमकि ६ बर्षीय छोरी इन्तजार भनिने गुलाब खातुन बेपत्ता पछि मुर्त अवस्थामा फेला परेको र उक्त घटनाको न्याय को लागी भएको प्रदर्शनको क्रममा प्रहरीको गोलि लागी मुत्यु भएको अभियान्ता सन्जय न्यौपाने र मुतक बालिका गुलाब खातुन प्रति श्रद्धाञ्जली सभा र दिप प्रजवल्न कार्यक्रम समेत सम्पन्न भएको छ । समाजमा घट्ने यस्तो घटनाले नागरिकको आधारभुत मानवअधिकार हनन गरेको महोत्तरी युवा संजालका अध्यक्ष चुडामणी यादवले बताउनुभयो ।

प्रत्येक बर्ष लैङ्गिक हिंसा विरुद्ध को १६ दिने अभियान नोभेम्बर २५ देखी दिसेम्बर १० सम्म अन्तर्राष्ट्रिय स्तरमा महिलाहरुको अधिकार का लागि गरिएको संघर्षको समझनामा मनाइन्छ । नेपाल सरकारले पनि यस वर्ष ‘लैङ्गिक हिंसा अन्त्यको प्रतिवद्दता : व्यक्ति, समाज र सबैको ऐक्यवद्धता’ भन्ने मूल नाराका साथ यश दिवस मनाइरहेको छ । तर अर्कोतर्फ भने देशका विभिन्न ठाउँमा लैङ्गिक हिंसाको घटना बढ्दो क्रममा रहेको छ ।

यस किसिमका घटनाहरुको न्यूनीकरण र लैङ्गिक हिंसाका घटनाहरुमा न्यायको लागि पहल गर्न संजालका सचिव राजु कुमार महतोले स्थानीय, प्रदेश र केन्द्र सरकारको ध्यानाकर्षण प्रदेश नं २ का आन्तरिक मामिला तथा कानुन राज्य मन्त्री सरोज सिह कुसवाह मार्फत गराउनुभएको छ ।