स्वरोजगार र जनकपुर लघुवित्तको एकीकृत कारोबार आज देखि स्वरोजगारको नामबाट सुरु

काठमाडौ।स्वरोजगार लघुवित्त वित्तीय संस्था र जनकपुर लघुवित्त वित्तीय संस्थाको आज (असोज २५ गते) देखि स्वरोजगारको नाम बाट एकीकृत कारोबार शुरु गरेका छन् । एकीकृत कारोबार सुरु भएकै दिन आज यस कम्पनीका सम्पूर्ण कार्यालयको सेवा बन्द हुने कम्पनीले जानकारी दिएको छ । प्राप्ति पश्चात बन्ने कम्पनीको केन्द्रीय कार्यालय साविककै बनेपा नगरपालिका वडा नम्बर ५ , काभ्रेपलाञ्चोकमानै रहनेछ । एकीकृत कारोबार स्वरोजगार लघुवित्तको नामबाट भएको छ ।

यी दुवै कम्पनीलाई एकीकृत कारोबारका लागि असोज २ गते नेपाल राष्ट्रबैंकले स्वीकृति दिएको थियो । जनकपुर लघुवित्त वित्तीय संस्थाको १०० कित्ता शेयर बराबर स्वरोजगार लघुवित्तको ७० कित्ता शेयर आदानप्रदान गर्ने सहमति अनुसार यी दुई कम्पनी एक भएका हुन । प्राप्ति पश्चात बनेको कम्पनीको चुक्ता पूँजी ३७ करोड ६३ लाख रुपैयाँ पुगेको छ ।

साभार-रातोपाटी