काठमाडौं/भदौ १४ गते । बाढी तथा प्राकृतिक विपद्बाट प्रभावित नागरिकको उद्धार, राहत र पुनर्स्थापनाका लागि नेपाल लाइफ इन्स्योरेन्स कम्पनीले प्रधानमन्त्री दैवी प्रकोप उद्धार कोषमा २ करोड ५१ लाख रुपैयाँ आर्थिक सहयोग प्रदान गरेको छ।
कम्पनीका सञ्चालक कमलेशकुमार अग्रवाल, पूर्वअध्यक्ष गोविन्दलाल संघाई र प्रमुख कार्यकारी अधिकृत प्रवीणरमण पराजुलीले संयुक्त रूपमा उक्त रकमको चेक हस्तान्तरण गर्नुभएको हो।
आपत्कालीन अवस्थामा प्रभावित क्षेत्रका नागरिकलाई तत्काल राहत पुर्याउन र पुनर्स्थापनाको कामलाई तीव्रता दिन यो सहयोगले महत्त्वपूर्ण योगदान पुर्याउने विश्वास कम्पनीले लिएको छ।
Discussion about this post