जनकपुरधाम,माघ १८ गते।तराई मधेसमा जाडो बढेसँगै जनकपुरधाम उपमहानगरपालिकाले तीन दिनकालागि विद्यालय बन्द गर्ने निर्णय गरेको छ ।
केही दिनदेखि शीतलहर बढेपछि विद्यार्थीहरुलाई विद्यालय जानमा समस्या हुन थालेपछि उपमहानगरपालिकाले एक सूचना जारी गर्दै तीन दिनकालागि विद्यालयमा विदा दिने निर्णय गरेको जनाएको छ।आइतवारदेखि मंगलवारसम्म उपमहानगरपालिकाले विदा दिएको शिक्षा शाखा प्रमुख मेहिलाल यादवले जानकारी दिए ।
अगामी बुधवारदेखि सबै विद्यालय नियमित रुपमै संचालन हुने उनले बताए ।जाडोको समयमा बालबालिकाहरु सबै भन्दा बढ़ी प्रभावित हुने भएकोले नगरपालिका भित्र रहेका निजी तथा सामुदायिक सबै विद्यालयहरु बन्द गर्ने निर्णय गरिएको जनाइएको छ।
Discussion about this post